Usamos cookies propias e de terceiros para mellorar os nosos servizos e obter información estadística:
Se continúa a navegar, consideramos que acepta o seu uso segundo as opcións seleccionadas.
Para obter máis información e saber como cambiar a configuración prema aquí.
Edicións Laiovento comprácese en pór a disposición da cidadanía galega e do público en xeral unha monografía centrada en Eduardo Pondal e a súa obra, nun ano en que se celebra o centenario da morte do autor do Himno Galego.
O volume reúne, ampliados e/ou actualizados, catro estudos elaborados sobre Eduardo Pondal e a súa obra ao longo dos últimos 25 anos (1991, 2003, 2008 e 2014, sucesivamente). Estas páxinas de investigación, estudo e refl exión son acompañadas por apéndices que recollen unha selección de cartas escritas ou recibidas polo Bardo bergantiñán e mais a entrevista-reportaxe xornalística de 1912 realizada ao poeta por La Voz de Galicia.
«Temo non existir na memoria dos homes para quen os meus tempos serán os tempos antigos», dixo o poeta nunha determinada altura da súa vida. Que o centenario da morte de Eduardo Pondal sirva para re-ler, re-pensar e re-interpretar a súa mensaxe, facéndoa presente na Galiza de hoxe e do futuro.
Título: EDUARDO PONDAL, O CANTOR DO EIDO NOSO
Autor: Manuel Ferreiro
Catálogo Xeral, 345
Compostela, 2017
Ensaio
EDICIÓN IMPRESA
peto 14x21cm
258 páxinas
ISBN: 978-84-8487-347-1
dispoñíbel en IBD
prezo 19,90 €
EDICIÓN EBOOK
ISBN: 978-84‐8487‐361‐7
prezo 9,00 €